№8 қалалық клиникалық аурухананың жанындағы емханада (Ақан Сері көшесі, 36а) флюорография кабинеті күн сайын қабылдайды.
112-кабинет, 1-қабат
Күн сайын сағат 14:00-ге дейін.
Наурыз айында туберкулезге қарсы ай аясында Алматы қаласындағы №8 қалалық клиникалық аурухана жанындағы емханада профилактикалық іс-шаралар өткізілуде.
Пациенттермен түсіндіру әңгімелері жүргізіліп, туберкулездің қалай жұғатыны және оны дер кезінде қалай анықтауға болатыны туралы түсінікті ақпараттық материалдар таратылуда. Сондай-ақ дөңгелек үстелдер ұйымдастырылып, ауруды ерте кезеңде тиімді анықтау мақсатында медицина қызметкерлеріне оқыту жүргізіліп жатыр.
Жыл сайын флюорографиялық тексеруден өтудің маңыздылығына ерекше көңіл бөлініп келеді. Бұл ауруды ерте анықтап, дер кезінде емдеуді бастауға мүмкіндік беретін қарапайым әрі қолжетімді әдіс.
Стационар мен емханада LED-экрандар арқылы ақпараттық бейнероликтер көрсетіліп, тұрғындардың профилактика туралы хабардарлығын арттыру және өз денсаулығына жауапкершілікпен қарауын қалыптастыру көзделген.
Өз денсаулығыңызды сақтаңыз және уақытылы тексеруден өтуді ұмытпаңыз.
